كسرت وجه الظلآم بضحكة شفاتك

كسرت وجه الظلام بضحكـة شفاتـك

واجتاح عيني ضياء وجهك وبسماته

أهديتني في ظـلام الليـل مشكاتـك

واشرق نهاري وكنت أجمل صباحاته

ياأعذب من العذب في همسك ولمساتك

ياأجمـل نسيـم يداعبنـي بنفحاتـه

دمع المحاجر لمحتـه عبـر نظراتـك

شفته بحر في عيونك هـد موجاتـه

شربت عذبـه وكابحـت إلتياعاتـك

وايضـا سبحتـه ودليـت إتجاهاتـه

وأعطيتك العهد مااتعـدى محيطاتـك

دامك حليـف الثريـا فـي مداراتـه

جنيـت حبـك وسطرتـه بصفحاتـك

و اعطيتني قلـب احيانـي بنبضاتـه

في خارطة لوحة افكـاري مساراتـك

عبـرت دربٍ عسـيـراتٍ ملفـاتـه

رسمتنـي لوحـةً فيهـا شعـاراتـك

مجـدٍ بنيتـه وحققـت انتصـاراتـه

مدينـة الحـب تكسوهـا إضاءاتـك

نجمك مع الفجر بانت لـي إشاراتـه

في شارع الحـب تجذبنـي علاماتـك

أقراك واقـع حقيقـة عبـر لوحاتـه

مشاعري صعب توصفهـا عباراتـك

ياللي سجنـت الفـؤاد بذنـب لذاتـه
بقلمي
منقوووووووووووووووووول يعني لو ماعجبتكم مالي دخل هع هع