لستُ انا الخامد انا ثايراً دوم

---

لسـتُ انـا الخامـد انـا ثايـراً دوم
يصير مثـل العـود ريـح احتراقـي
ارسم صور حلوه علـى شكـل ألبـوم
لوحـة حـزن مـره ولوحـة فراقـي
واخش لي غابه بهـا النخـل والـدوم
اجلـس واراجـع ذكريـات التلاقـي
واسبح مع النجمه على ريـح وغيـوم
واطلق سراح الفكـر والجـو راقـي
واغطس بحر واصعد جبل وابني رجوم
لا من بنـات الفكـر جنـي طراقـي
واقطع نهر وانحت صخر وانقش رسوم
بينـي وبيـن الجـن لحظـة عناقـي
واعيش لحظاتـي هواجيـس وهمـوم
والـحـب والامــال والاشتيـاقـي
وايضـا انـا جـزام عـزام شغمـوم
بيني وبين الضعـف معلـن طلاقـي
جاك الكلام الصدق والشعـر موسـوم
ياللي رميت الهرج ويش انـت هاقـي
واجمل زمان العمر في وقـت معلـوم
بعـد الفجـر ساعـة اشاهـد نياقـي
والارض مخضره دواء كـل مضيـوم
مع دلـةٍ صفـراء وشاهـي عراقـي
في نجد مـا بيـن الكريميـن وقـروم
ربعي وربعـي كلهـم عظـم ساقـي
هم السند هـم البقـاء والفخـر كـوم
لطامـة العـايـل بـيـوم الشقـاقـي
اهل الكرم والطيب والضيف محشـوم
والعـود الازرق فالمجالـس يساقـي